Godt nytt leseår!

Nå har eg kikka litt på lista mi over bøker eg las i 2013 (eg las ferdig 30 bøker og har 8-10 bøker eg hadde begynt på ved årsskiftet. I 2013 hadde eg ingen litterære nyttårsforsett då eg gjekk inn i det nye året. Eg hadde lyst til å lese etter innfallsmetoden, ta ting litt som det kom og forsøke å ikkje ha så mykje dårleg samvit for alt eg ikkje rakk lese, som eg burde lese. Det har vore fint med eit slikt år, men nå kjenner eg eg treng eit litt meir strukturert og planlagt leseår igjen.

Bokhyllelesing

Eg kjem til å jobbe aktivt med å få lese ein del av dei bøkene eg har ståande i bokhylla mi, ikkje minst klassiske bøker som står der og ser ned på meg og minner meg om dei mange hulla i allmenndanninga mi. Eg har laga ei eiga utfordring som går på å lese bøker frå bokhylla, som du kan melde deg på her. Eg har og begynt prosessen med å systematiserer bokhylleinnhaldet mitt og skal komme tilbake med ei oversikt over kva eg har og kva eg har lyst til å lese, kva som fulgte med ektefellen si boksamling og kva eg lurer på korleis har hamna der. Men først og framst ei oversikt over bokhylla.

Ei av bøkene eg lenge har hatt ambisjoner om å lese er boka Ulysses av James Joyce. Og inspirert av Lyran har eg tenkt på å del boka litt opp og gjere leseprosessen til eit bloggprosjekt, slik ho gjorde i haust. Derfor var det veldig morsomt at Silje sa at ho hadde tenkt å gjere akkurat det same. Så nå har vi inngått ein slags uformell avtale om å lese Ulysses i 2014. I forlenginga av dette har eg tenkt at eg må lese Odysseen og Illiaden før eg les Ulysses. Så eg lar desse tre store klassikarane vere dei mest ambisiøse verka på vil-lese-lista i 2014.

Utover dette, er eg litt usikker på kva eg vil lese frå bokhylla mi. Eg vingler litt i januar, eg har eigentleg meldt på Selma Lagerlöf, men nå kom eg på at eg vil jo lese Nedstörtad Ängel av Per Olof Enquist. Så det kan hende eg bytter der. Men i det heile tatt håper eg at eg skal komme gjennom fleire av dei store klassikarane eg har i bokhylla mi, i 2014.

1001 bøker

I år som i fjor og året før der arrangerer Line 1001 bøker- lesesirkel. Her har eg foreløpig meldt meg på dei bøkene eg ikkje har lese, som eg allereie har i bokhylla mi og eg planlegg å delta på følgjande etappar og lese desse 1001-bøkene i år.
Mai: Erich Maria Remarque – Intet nytt fra vestfronten
Juni: Jane Austen – Mansfield Park
Juli: Arto Paasilinna – Harens år
August: Arundhati Roy – The God of Small Things
Oktober: Jung Chang – Ville svaner
November: Salman Rushdie – Midnight’s Children

Nobelprisvinnarar

For nokre år sidan begynte eg å lese meg bakover i lista over nobelprisvinnarar. Eg begynte på toppen og kom til Elfriede Jelinek, før ein nobelprisvinnar i månaden viste seg å vere litt ambisiøst. Eg har derfor endra målet mitt til ein nobelprisvinnar i kvartalet.

Ny nordisk litteratur

Eg vil veldig gjerne fortsette å følgje med på ny nordisk litteratur og nå som eg skal nominere bøker til bokbloggarprisen har eg eit håp om at eg skal ha lese fleire norske bøker frå 2014 på denne tida av året, neste år. Samtidig vil eg utvide litt og følgje betre med på det som blir gitt ut i Sverige og Danmark og.

I år ser eg særleg at det er komme ut mange spennande diktsamlinger, som eg ikkje har fått tid til å lese. Eg håper på eit betre år når det kjem til nyare nordisk litteratur i 2014.

Ungdomslitteratur

Eg er så heldig at eg har fått ein plass i redaksjonen til Ubok.no, kor eg skal ha meir eller mindre faste oppgåver og spalter. Eg skal òg vere med på å drive NUBB, eit internasjonalt prosjekt som skal samle bloggarar som skriv om nordisk ungdomslitteratur. Gjennom desse to frivillige verva, vil eg lese meir ungdomslitteratur enn eg har gjort hittil. Eg vil tru at arbeidet med ubok og NUBB vil føre til litt færre oppdateringar her på bloggen, og kanskje ei dreining mot meir ungdomslitteratur. Men eg vil forsøke å fortsette å drive “mellom linjene” slik de kjenner meg, med ulike leseprosjekter av ulike sjangrar og variert litteratur.

Så kva er eigentleg målet?

Eg synest alltid det er vanskeleg å talfeste konkrete mål, når det gjeld lesing. Men eg har jo nokre overordna mål, eg kan summere opp nå:

  • Eg skal lese minst åtte bøker som har stått lenge i bokhylla. I tillegg til bøkene som går under bokhylleutfordringa, skal eg lese:
    • Odysseen og Illiaden av Homer
    • Ulysses av James Joyce
  • Eg skal lese følgjande bøker frå 1001-lista:
    • Intet nytt fra vestfronten av Erich Maria Remarque
    • Mansfield Park av Jane Austen
    • Harens år av Aarto Paasilinna
    • The God of Small Things av Arundhati Roy
    • Ville svaner av Jung Chang
    • Midnights Children av Salman Rushdie
  • Eg skal lese fire bøker av nobelprisvinnande forfattarar eg ikkje har lese før.
  • Eg skal lese nye bøker frå 2014 som ser spennande ut, i det dei kjem ut.
  • Eg skal lese meir nordisk ungdomslitteratur (dette veit eg ikkje i kor stor grad vil prege bloggen, endå).

Sånn. Då trur eg eg har ein litt konkret leseplan for 2014. Nå gjenstår det bare å få lese dei siste bøkene eg skal gjennom, før fristen for å nominere til bokbloggerprisen går ut, den 7. januar.

 

17 comments

  1. Flott oppsummering! Jeg kunne også tenke meg å være med på en Ulysses-lesing i overkommelige etapper i 2014. Men først har jeg også tenkt at Odyseen må være viktig som en start!

  2. Jag läste Ulysses för två år sedan och dokumenterade läsningen i en bloggserie som du hittar länken till i högra spalten på http://www.bokmania.net , i fall du vill titta. Det var kul och mycket lättare än jag trodde att läsa denna stora klassiker. Om jag minns rätt så gick det på bara en månad. Lycka till!

    • Så bra! Eg er ferdig med dei siste norske 2013-bøkene eg rekk, trur eg, så eg tenkte eg skulle gå i gang med å sjå på ulike utgåver frå og med i morgon.

  3. Flotte lesemål. Jeg har lest Odysseen og Illiaden, men Ulysses er et mål. Ikke minst fordi jeg elsker det jeg har lest av James Joyce. Sikkert unødvendig å tipse deg, for du har så god oversikt, men velg nøye hvilken oversettelse av Odysseen og Illiaden du skal lese, slik at du finner en som passer for deg. For her er det stort utvalg, i all fra moderne sleng til hundre år gammel tekst. Denne helgen leste jeg forresten noen sider i en svært fri tolkning av Illiaden, “Memorial” av poeten Alice Oswald, fra 2011, som datteren min holder på med. Det er en helt anderledes måte å gjendikte den grusomme og brutale, om enn episke Illiaden. Så spennende og siden datteren min har reist tilbake til universitetet og tatt med boken, har jeg bestilt den til meg selv 😉

    Godt nytt år, Bjørg!

    • Godt nytt år til deg og, Clementine!

      Og takk for tips, eg har to utgåver av Odyseen og ei av Illiaden i bokhylla mi, men eg har eigentleg tenkt å sjå om eg finn ei utgåve med noter. Eg må sjå litt nærmare på det. Eg er eigentleg mest glad i å lese gamle klassikarar i ikkje for moderniserte utgåver. Eg synest ofte at noko av opplevinga av å lese ein autentisk tekst blir borte, viss det er for forenkla. Eg tenkte på det då eg høyrde den nye omsettinga av juleevangeliet i jula. Sjølv om det er meir tilgjengeleg språk i den nye omsettinga, er det noko med det å bli minna om at det ein les ikkje er skrive i dag, heller. Men eg prøvde meg på Den guddommelege komedie, omsett til nynorsk på 30-talet, og den blei tilnærma uleseleg igjen, på grunn av det veldig arkaiske språket. Så det å gjere litt research på utgåver er nok veldig lurt, ja. Eg noterer meg Alice Oswald. Det høyrest spennande ut. Eg liker eigentleg veldig godt å ha slike prosjekt, kor eg les ulike bøker som bygg på kvarandre og er fortolkningar av eldre tekstar. Takk for tips!

      • Hvilke utgaver gir mest er en utrolig interessant diskusjon, og jeg er på langt vei enig med deg. I hvertfall med juleevangeliet som på en måte er tradisjon der for meg gjentagelsen av de samme ordene har en verdi. Samtidig fryder jeg meg over moderne tolkninger av klassikerene! Håper vi kan ta den diskusjonen “in person” en gang!
        Jeg også leser veldig ofte i “prosjekter”, og det er faktisk hovedgrunnen til at jeg aldri har lesemål – jeg liker å tangere og la en bok lede til en annen – og på den måten utdype tema, epoker eller forfatterskap 🙂

        • Det synest eg vi skal gjere, Clementine! Eg liker og godt moderne tolkningar av (ein del av) klassikarane, eg liker i alle fall godt å lese dei og gjere meg opp ei meining, sjølv om ikkje alle faller i smak.

          Eg har og lenge lese som du beskriv, i “prosjekt”, kor det eine leder til det andre. Og det kjem eg til å fortsette med. Men eg har lyst til å sette meg nokre konkrete mål, eller planlagte prosjket, om du vil, som eg kan strebe mot òg.

Legg igjen ein kommentar

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s