Lørdagslenker

Den 5. august var det 200 år sidan Ivar Aasen blei født og det siste nummeret av Språknytt er via til mannen som vandra rundt i Norge og samla inn ord og talemåtar, for å finne tilbake til det norske skriftspråket. I anledning 200-årsjubileet har Samlaget gitt ut Otto Grepstad sin biografi som har gått rett inn på topplistene. På grunn av ferie, fekk ikkje eg feira Ivar Aasen slik han fortener, her på bloggen, så eg nøyer meg med å gratulere nynorskens far her på bloggen.

Denne veka har diskusjonane rast i kommentarfeltet hos Lines Bibliotek, etter at ho gjekk ut med ei etterlysing etter “Den vanlige leser”. For kven er eigentleg den vanlege lesar, som så mange snakker om i ulike samanhengar? Som eit apropos til denne diskusjonen, kan det og vere interessant å ta ein kikk på Sadie Stein sin tabell over lesartypar, i The Paris Review.

James Gibbons i The Paris Review har intervjua Jeffrey Eugenides, forfattaren av The Marriage Plot, ei av dei beste bøkene eg las i 2012. I dette intervjuet fortel han om bøkene og skrivinga si, og om kjensla av å fullføre ei bok.

Og til alle som er over gjennomsnitteleg glade i lister, kan eg anbefale BookRiot si liste over dei 20 bøkene det er mest vanleg å late som om ein har lese (eg har faktisk lese ni av desse, på ordentleg!). Det interessant er den store overlappen mellom bøker ein later som om ein har lese, bøker ein har tenkt at ein skal lese ein gong og favoritter. Det er med andre ord dei store klassikarane (og Harry Potter-serien og Bibelen) folk oftast lyg om å ha lese.

Til slutt ein interessant observasjon for estetikaren. I “Show Some Spine” viser The New York Times korleis kvinners nakker og rygg er eit populært motiv på bokomslag.

 

9 comments

  1. I forhold til lesetype er jeg definitivt compulsive, men jeg ser at jeg passer inn både på abusive; noterer, understreker, leser i sola, mens jeg spiser etc og cherished; samler, kjøper bøker i hytt og pine, leser ofte metodisk.
    Flotte lenker du har funnet, Bjørg 🙂

    • Eg havner og i fleire kategoriar, men compulsive er eg. Eg er veldig ambivalent, når det kjem til å notere i bøker, for eg liker å notere, samtidig liker eg best å ta fram igjen bøker som eg ikkje har notert i, det er forstyrrande viss eg les for andre gong. Det er vel det aller beste med e-bøker, at ein kan notere, lage bokmerker og lagre dei, samtidig som ein kan lese boka om igjen i “rein” utgåve.

  2. Det blir åtte og en halv her, men jeg skjønner egentlig ikke poenget med å juge om sånt. Når noen spør “Har du lest…?” er de vel som regel ute etter å diskutere noe fra boka? Temmelig avslørende når en ikke kan svare, vil jeg tro. Mitt eneste hederlige unntak er fra da jeg jobba i bokhandel, i tida da Dan Brown blei allemannseie. Etter et par uker blei jeg så lei av å få kjeft av tilfeldige kunder, som var ytterst indignerte over mine kleine lesevaner, at jeg sa jeg hadde lest den.

    Når det kommer til lesertype, er det bare håpløst. Nesten alt passer. Men ikke det som involverer eselører, smuler, flekker og slikt…

    • Haha – eg antar at du er av typen som ikkje driv med eseløyrer, flekker og smuler og slikt, utifrå tonen i tonefallet.

      Eg skjønner heller ikkje poenget med å lyge om å ha lese Ulysses og slikt. Det einaste eg er usikker på, når eg les slike lister, er kor mykje av Bibelen ein må ha lese før ein kan krysse av på den.

      • Det kan du trygt anta! Men jeg har barn, så jeg må pent finne meg i at noen grafser og tafser på bøkene mine, særlig når jeg ikke er hjemme, for mammas kontor er så spennende… Så jeg har vel blitt mer tolerant. Tror jeg.

        Bibelen er vanskelig. En kjenner jo til mye av innholdet uten å ha lest det sjøl. Kanskje halvparten gir kryss? Eller?
        Jeg har lest ca to hundre sider av “Ulysses”, men sier ikke at jeg har lest den. Den er jo så mye mer! For meg er det også viktig med kontinuitet. Bibelen er annerledes, der kan en fint lese en og en fortelling.

      • Eg har Ulysses på lista mi og tenker stadig at eg skal gå laus på ho, men eg har bare lese første kapittelet tre gonger, hittil. Når det gjeld Bibelen har eg aldri lese frå perm til perm, men eg har lese store deler, og eg har mellomfag i KRL, så eg har jo rimeleg god oversikt. Det er jo i og for seg ei bok som er sett saman av mange bøker, i den grad det speler noko rolle…

Legg igjen ein kommentar

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s